Toa zary ambaniana sy atao tsinontsinona
Inona no antony? Nahoana? Fa maninona?
Karama efa kely no mba raisiny isam-bolana
Ny fitaovana ampiasainy mbola tena olana

Ny mpitondra mihitsy no toa lohalaharana
Tsy manisy lanjany ny asa fampianarana
Ny mpanabe mantsy no latsaka ambany
Na dia samy mpiasam-panjakana ihany

Rahoviana vao handroso i Madagasikara
Raha ny mpanabe no atao ratsy karakara
Tsy omena fanajana sy vola mba sahaza
Kanefa miankina aminy ny hoavin’ireo zaza

Rasamy