Tsy ny bika aman’endrika
no ilaina, tsy haharendrika 
fiarahan’olon-droa 
Fa ny fitia avy ao am-po 

Tsy ny vola aman-karena
na fitiavana terena
mihitsy no hahasambatra 
Fa fo roa izay te hitambatra

Tsy ny resam-pirazanana
na ny resaka fananana
no tokony hampiray 
Fa fo roa izay te ho iray

Tsy ho zary fihafiana
akory ny fanambadiana
raha samy tena tia
ny fo roa izay mifangia

Rasamy

• Fitiavana