Ianao ilay mpiteny fa izaho tsy mahavita
Manabatibaty mihevitra ahy tsy ho tafita
Manambanimbany sy manenjika aoriana 
Sady tsy manampy fa zatra manakiana

Soa fa eo ianao manainga ny hambom-poko
Ny toetranao io mihitsy no mainka hijoroako
Na ny eso na ny latsa na ny henjika tsy ahoako  
Tsy hampihemotra ahy amin’ny ezaka ataoko

Ny tanjona apetrako tsy maintsy ho tratrariko
Ny saiko no atanjahiko, ny foko koa amboariko
Mbola ho tonga ny andro hahitako fahombiazana  
Ianao iny indray no ho menatra hitazana

Rasamy

• Saina Miabo