Vao tonga ny maraina
dia efa reraka ny saina
Satria vao miditra birao
dia inona hoy ianao? 
Tapaka ny jiro tsy misy azo atao
Dia toy izany foana isan’andro izao
Leo tena leo amin’ny delesitazy
(LBP mihitsy SNBV)  
Ny mpitondra mifanesy no tsy mahavita azy
dia ny vahoaka no mijaly sy voasazy   

Aiza ve leiretsy ka tsisy fanavahana 
fa na toeram-piasana na toeram-pivavahana
na toeram-pianarana na toeram-pitsaboana
na toerana fonenana na bara fisotroana  
na toeram-pilanonana misy mariazy
dia mikaikaika noho ny delesitazy 
Lasa mitotongana ny seham-pihariana
Mikorontana ny fiainan’ny fianakaviana 
Simba ny sakafo sy fitaovan-tsarobidy
Ity Jiramaty ‘ty mampitondra ny mangidy

Ry mpitondra ambony ô, manaova fahagagana
Efa any aminareo anie izao ny fahefana e
Ianareo nilokaloka fa hitondra fiovana  
Tanteraho malaky re ny fampanantenana e 

Rasamy

• Fiaraha-monina