Tsy misy olombelona ka hoe tonga lafatra
Tsisy ho kianina fa feno fahendrena 
Koa asakasakao mitompo teny fatratra
Manenjika isan’andro izay misy fahalemena 

N’iza n’iza mantsy  ka mbola eto an-tany
Tsy maintsy misy lesoka sy kilema koa
Mety mba solafaka sy diso  izy androany 
Fa rahampitso hiarina sy hiova fo

Koa aza tia mitsara ny fiainan’olon-kafa
Ny fiainanao no ataovy milamina sy tsara 
Ny azy ho vita ihany, ary izy mety ho tafa 
Ianao indray no menatra rehefa any afara 

Rasamy

• Saina Miabo