Iny lalana iny dia tsisy nanamboatra
Potika tanteraka, tena tafahoatra 
Taona maromaro tsisy mba nikarakara 
Izao mitera-doza ary koa manimba fiara

Iny lalana iny, satria ve tsy azo hanina
Dia nodiana tsy hita sy nodiana fanina
Hany ka mikatso ny seham-pihariana 
Ireo mpivezivezy moa mizaka fijaliana 

Iny lalana iny, tsy azo aleha intsony
Toa sanatria tsy hitan’ny olona ambony 
Izy moa manidina tonga iray minitra 
Ianao mandeha fiara no leo mipitrapitra 

Iny lalana iny mampitondra fahoriana 
Na ny vakansy aza lasa tsisy fifaliana 
Kivy savolaina hatramin’ireo vahiny
Mampiteny moana mantsy iny lalana iny

Marary re ny fo e, reraka ny aina  
Henoy ireo sofera migrevy mitaraina  
Ô ry Pasitera ô, raha toa re ka tsy tsiny
Ataovy « toriteny » koa re iny lalana iny e!

Rasamy

• Tanindrazana