Ny vavahady tompoko tsy atao fakana sary
Fa fanidiana trano tsy idiran’olo-tsy manjary
Ny any aminareo re no alefaso fesiboky e
F’aza an-tanin’olona ianareo no misoloky
Ny alikanay re tompoko, dia alika mivovoa
Fa tsy hoe alikakely fakanareo vovoa
Ny vovoa re tompoko dia zava-maniry e
Sa tain’alika indray no ambolena mba hitsiry ?
Ny zaoridira tompoko dia natao fanary
Fa tsy ifamaliana sy fangalana sary
Rehefa tsy mahay tsy aleonareo ve miala e
Toa vendrana daholo manao resak’adala
Rasamy
Sary: Nalaina tao amin’ny fesiboky
REDIREDIN-DRASAMY 