Mbola ho hita ve ny marina

tamin’ny vola nangalarina

nalefa anio sy omaly

any am-paradisa fisikaly?

Mbola ho hita ve ny marina

ka ho gadraina sy tratrarina

‘reo adala mafy hatoka

nanimba sy nandoro vakoka?

Moa tena tsy hita ve ny marina

sa mody sarotra takarina

nefa rà mandriaka miharihary

toy ilay fito febroary?

Rahoviana re ny marina

no havoaka sy fantarina

ka ho fantatra mazava

ny raharaha Ratsimandrava?

Tsy hita intsony re ny marina

Tsy avelany mba ho fongarina

Isika nentim-pahatsorana

Rasamy