Moa va re mba fantatrao
fa any ho any koa izao
misy olona nikasa
hanohy hitady sy hiasa.
Tsy nanan-java-nangalarina
fa niezaka nanao ny marina.
Tsy variana nilalao
na hoe nanao ny tsy fanao
fa te hanoratra tantara
hanao zavatra mba tsara.
Te hanatratra indray ny tanjony
kanefa tapitra ny androny
Toa tsy hitahita akory
dia maty fa tsy hoe matory.

Ianao kosa sombinaina
raha mbola velona sy miaina
salama tsara tsy marary
dia misaora an-Janahary
Koa hahenao ny fitarainana
Hatsarao koa ny fisainana

Mahaiza makafy ny fiainana

Rasamy

Sary fanehoana: nalaina tao amin’ny fesiboky