Na sarotra aza re ny fiainana 
Na misy koa fitaintainana
Dia mila miabo ny fisainana
Ialàna amin’ny fahalainana

Satria na ho aiza ianao na ho aiza
Dia tsarovy ry sakaiza
Fa hisy foana ny tsy ampy
Ny saina miabo no  manampy

Raha sendra ny fahakiviana
Noho ireo tsy fahampiana
Manàna saina miabo anio
Izay misy aloha dia ifalio

Mbola misy trano ipetrahana 
Mbola misy namana iresahana 
Ianao mbola tsy maty noana
Aleo misaina miabo foana 

Rasamy

• Saina Miabo