Ray ô, alahelo sy tomany 
no mandrakotra ny tany
Mihorohoro ny vahoaka
Be ireo tsy tafavoaka 
maty tampoka indrisy
Henjana ny zava-misy 
Tsy hita intsony izay atao
fa mamono tsotra izao
ity aretina ity
Vonjeo ry Rainay be fitia

Mangataka izahay ry Ray 
Omeo mpitondra mba mahay 
olon-kendry azo anarina
sady tia manao ny marina 
Ny vahoakanao jereo
Mitalaho sy mitoreo
Ny tolokony henoy
Ireo marary mba tsaboy
Aza avela hangasihasy  
Vonjeo re ny malagasy

Rasamy

• Fiaraha-monina