Mamely tsy mitsitsy re izato corona
Tsy misy afa-bela fa na vavy na ny lahy
dia tsy maintsy miaro tena
Ka raha ho any an-tsena
Na mamonjy fivoriana 
Na mandeha miangona mangatam-pitahiana
Na any anaty fiara sy eny an-dalana aza
Tsy maintsy isalorana izao ny saron-tava
Tsy vitan’ny misalotra ilay aro vava sy orona 
Fa sady koa matahotra hitangorongorona

Vita hatreo ny molotra feno lokomena
Ilay tarehy bikàna moa tsy afaka jerena 
Ny maso sy ny andrina sisa no mba hita
Ny sofina mararin’izato elastika
Tsy fantatra intsony ilay bandy maimbo vava
Ikala bangaridana mitsikitsiky lava
Tsy vitsy koa ny olona no niova ho mpanjaitra
Nivadika ho lamaody manko ny aro vava raitra 
Mahagaga anefa fa dia  maro ny vahoaka 
Tsy miaro vava sy orona fa lasa miaro saoka

Rasamy

• Mampihomehy