Ho an’ialahy ry zanako
lahitokan’ny aiko, 
raha mbola hain’ny tanako
sy takatry ny saiko, 
dia ataoko ho an’ialahy, 
f’aza mba manahy

Ny tena faniriako 
dia ho tafita ialahy, 
mainka ho tena tiako
raha  hatsaram-panahy, 
sy fo mora tony 
no ataon’ialahy ambony

Izaho hatoky foana
f’ialahy vonona sy sahy, 
tsy ho olonolom-poana
fa tena ho lehilahy, 
miavaka amin’ny sainy 
Tsy adala toa an-drainy

Rasamy

• Fitiavana