Tsy misy miala maina raha mbola eto an-tany
Ny ratsy atao anio tsy maintsy mbola hivaly ihany 
Na tsy hivaly vetivety aza fa any aoriana any
Ny adala ihany sisa no tsy mety mino izany

Izay nanenjika ny hafa tamin’ny lainga tsara lahatra
Mbola hizaka fanenjehana mitohy tsy ankitsahatra
Ny olona mpandainga dia ho voafatotry ny vavany
Mbola ho avy ny andro ka hanjombona ny tavany

Ny olona mpamadika dia hisy  hamadika ihany koa
Koa raha  mbola azo atao dia aleo mifanasoa
Tsy voatery ho tonga lafatra, tsisy olona anjely
Fa asiana fetra ny hadalana dia fadiana ny ankamely

Rasamy

• Fiaraha-monina