Endrey izany hafaliana, fa vaovao ny taona
Feno fitsikiana fa mbola  tafahoana
Samy velon’aina, tsy nody ho vovon-tany 
Tratry ny marainan’ny taom-baovao androany 

Dia mirary soa e,  ho taona feno mamy
Tsy hisy loza hanjo, fa ho fifaliana hatrany 
Ho  ambinina, ho salama, ho tojo izay irina
Ho lavim-pahantrana, fa tena ho taona zina

Raha nisy ny  tsy nety, raha nisy koa tomany 
Mifalia fa fety e, ny lasa aoka hivalona any
Ny hoavy no banjino,  ny fo sy saina amboary 
Dia  aza manadino ny misaotra ilay Nahary

Rasamy

• Saina Miabo