Hafahafa mihitsy raha i Madagasikara
Be toeram-paradisa malaza tena tsara
Vitsy mbola vitsy anefa ny mpizaha tany 
Ny gasy koa indrisy tsisy vola amin’izany 

Voahodidin-dranomasina feno hazan-drano
Fa tsy milaoka trondro ny  isan-tokantrano 
Ny harena moa miavosa ao ambany tany
Kanefa ny vahoaka mahantra foana ihany 

Ny trano fiangonana hipoka etsy sy eroa
Ny ankamaroan’ny gasy mpivavaka avokoa
Kanefa mahagaga fa mainka koa sahirana 
Ny fiainam-pirenena tsisy mba mangirana 

Ny fiara lafo vidy toa mameno ny tanàna 
Ny tranobe sy raitra koa mitombo higagàna 
Kanefa dia mijaly ny vahoaka maro an’isa 
Ity Gasikara ‘ty ve Afobe sa Paradisa e?

Rasamy

• Tanindrazana