Fantaro sy zahao ny talenta anananao
Aza ampatoriana fa fohazy sy trandraho 
N’iza n’iza mantsy dia manana an’izany 
Hizara ny talenta no tanjona eto an-tany 

Ny talenta dia fahaizana voa-janahary  
Mety miafinafina tsy mba miharihary  
F’azo ampitomboina ary mila ampiasaina
Tsy afenimpenina fa tokony ho zaraina  

Ny olona tafita amin’ny fiainana diavina 
Dia hiaraha-mahita ary tsy mba azo lavina  
Fa nahay nitrandraka ny talenta hainy  
Nampiasa izany tamy fony sy ny sainy  

Io talenta io tsy zavakanto ihany ry havana 
Maro ny karazam-panomezam-pahasoavana 
Mety hanampy ny hafa sy hameloman-tena  
Aza ampatoriana fa ilain’ny firenena 

Rasamy

• Saina Miabo