Raha ny zavatra lazainy
sy kabary tanisainy
no henoina sy jerena 
dia hainy ny mampanantena. 
Mipoerapoera fatratra 
mihevitr’azy ho tonga lafatra 
k’izay rehetra teo taloha
lazainy ho resiny avokoa
fa raha izy no voafidy
dia ho rava ireo mangidy
mampijaly ny vahoaka. 
Ela ny ela ho tafavoaka 
Hiova hono ny tantara
Ho sambatra i Gasikara 
Izy izany ilay Mesia
sady koa mpanao mazia 

Moa va tsy toy izany foana 
nandritra ny enimpolo taona? 
Milaza fa hanolo-tena
hampandroso firenena 
Indrisy re tsy izany akory 
fa mainka aza mampahory
Fahantrana miharihary 
Tsisy zavatra manjary 
Mainka mikoroso fahana
Mihena hatramy fahafahana 
Mitohy koa ny fanjanahana
Ny vahiny no mibahana 
Mihamafy  ny fiainana 
Miharatsy ny fisainana 
Tsy nahomby ilay mazia 
Hay mpandainga ireo Mesia

Rasamy

• Fiaraha-monina
• Tanindrazana