Miroborobo ery ny sekta
Bobaka spekta
hatreny Antsonjombe
Vahoaka marobe
no miandry fahagagana
Hono te hiala anaty fahantrana
sady koa hibebaka noho ny fahotana
Mibitaka mihitsy ary izato Pasitera 
Mandeha manko ny afera
Angatahiny mafy arotsaka omena 
ny ampahafolon-karena
Hahazoana famonjena

Nefa moa avy aiza ireny olona ireny?
Moa va tsy ireo olona leo toriteny 
tany amin’ireo fiangonana tranainy?
Mitovy ihany mantsy ny zavatra  lazainy
Ny olona asainy manetrinetritena 
nefa ny mpitarika te hanan-karena
Mandeha ny valopy tsisy fiafarany
Miondrika daholo na ambony na ambany
Fitaovana ihany sisa ny resam-pivavahana
Efa hatramin’ny fotoam-panjanahana

Rasamy

• Fiaraha-monina