Zanahary ô,
Dimy izao zahay fa tsy efatra intsony 
Misaotra Anao indrindra Ray ao ambony, 
fa noho ny fitiavana sy fitahianao
no mahatonga anay mijoro toy izao

Andriamanitra ô, 
Izao no faniriako
Hifankatia hatrany anie ny fianakaviako
Hahita fahasambarana ireo zanako izay tiako 
Raha toa moa sanatria ,
ka misy ny mpialona, na olona tsy tia
Ianao  no angatahiko hiaro izany dia
Tsy ho azon-tsampona amin’izay aleha rehetra 
Dia mba ho tanteraka avokoa ny tarigetra
tiany hotratrarina,
sady ho olo-marina,
no ho lasa lavitra hihoatra izato rainy
Ho avo sady mendrika koa ny toe-tsainy
Izany re no vavaka ao ampoko sy ao antsaiko
Tahio ny vinantoko sy ireto sombinaiko  

Amen

Rasamy

• Fitiavana