Ireo gasin’andafy
dia lazaiko anao, fa tena miasa mafy
Azo lazaina ho mahay mihafy
Tsy mifidy asa mba hahazoana drala
Na andro koa mafana, na hatsiaka mamanala
dia iny ry zareo fa mifoha maraina
Tsy misy hoe hijanona hatory fa malaina
Mandeha « métro »
Hamonjy ny « boulot »
Hariva indray ny andro mihazakazaka « hidôdô »
Mifoha maraina indray, dia toy izany hatrany
Misy koa fotoana mila hitomany
Mahatsiarotsiaro ny any an-tanàna
Tsy afaka manoatra fa tsy maintsy mikarama
Betsaka izy ireo no manao sofera
Na manao livrera
Nefa ny sasany nivoaka ho injeniera
Na izany na tsy izany vitsy ny somera
Misy ny mitaiza olon-dehibe
Na miandry zaza, sady manabe
Tsy vitsy ihany koa ireo mpiasa birao
Misy ireo tafita sy manan-katao
Mifangaroharo ao daholo, dia mamonjy fiangonana
Misy gasy koa aty mbola be fialonanana
Ny ankamaroany tia mihaona anatin’ny lanonana
Ny gasin’andafy dia miasa mafy mihitsy
sady tia mitsitsitsitsy
Fa rehefa tonga ny andro mba hodiana
dia somary adino kely aloha ilay fitsitsiana
Tena hikipiana irony fandaniana
Mandany vola miaraka amin’ny fianakaviana
Tsy hoe manam-bola be
dia indreo mirehareha
fa mba manao vakansy any Madagasikara
Mitondra voandalana hitany fa tsara
Vita ny vakansy dia miverina indray
Misy tsy tafody fa aty mandrakizay
Ao ireo tsy afa mihetsika fa tsisy taratasy
Izay ilay andafy ry vahoaka malagasy
Rasamy
Rasamy
REDIREDIN-DRASAMY 