Moa mahaleotena va re ny firenena 
sa aleo dia tsorina amim-panetren-tena
fa mbola ambany ziogan’ny mpanan-karena 
baikon’ny vahiny fa tsy mahabaiko tena

Tsy mety mba tafarina fa vizana sy sola
Miankin-doha tanteraka amin’ny mpamatsy vola
Ny mpitondra no afaka miliba sy midola
fa ny vahoaka kosa efa miondrika sy tola 

Miezaka ihany mba mitolona miady
Mila tsy hitraka mihitsy fa mandady
Maro loatra mantsy ny olana mianjady 
Nefa tsy mandroso fa voafatotra amin’ny tady

Rasamy

(Sary indrana)

• Tanindrazana