Raha ny tarehy no ratsy
fa ny paosy tsara vatsy, 
dia tena mahavariana
fa satriny hovadiana 

Fa raha ny paosy kosa
no efa arahin-trosa, 
dia tsy raharahiany, 
na bogosy aza tsy tiany

Moa sarotra ny fiainana, 
dia miova ny fisainana, 
ny vola izao no ambony
fa tsy bika izany intsony 

Dia loza amin’atambo
fa tsy mba manan-kambo, 
ka na antitra efa kola, 
mbola tiany satria vola

Tsy vitsy arak’izany 
fa maromaro ihany , 
ireo sipa tsy mibôsy
fa miandry Papa sôsy

Rasamy

• Mampihomehy